【露比穿搭分享】
疫情嚴峻，日常生活及工作都大受影響，原來可以出街返工都是一種幸福。早前跟大家分享過紫藍色嘅 casual wear 同碎花裙打扮，今日就講一下紫色怎樣應用在返工衫上面，就算需要出席莊重會議，都一樣可以配搭得宜。
上身著一件貼身黑色長袖衫，下身配搭通花 Lace 半截裙，配一對黑色 high heels，外加一件西裝褸，行政感覺出曬嚟～ 不過，為咗令造型唔好咁死板，我用條紫色潑墨圖案 Scarf 對摺掛上頸，好似著咗件紫色上衫咁樣，多點色彩。
首飾當然就係必須品去點綴造型啦～因為今次造型色彩都比較簡單，所以首飾方面可以選擇一些 colorful 而且帶有紫色元素嘅首飾呼應，好似之前 casual wear 戴過嘅復古風寶石耳環，復古花卉寶石耳環同埋粉晶頸鏈。一物多用，性價比高。